Уроки по Joomla 3 можно найти здесь: http://joomla3x.ru/
Пятница, 19 января 2018 11:20

Чурапчы улууһун баһылыгын ороһуоспатааҕы баала

Автор 

 

IMG 525
IMG 5178
IMG 5219
IMG 5295

 Сылын аайы ыытыллар улууспут Аҕа баһылыгын А.Т. Ноговицын оскуола оҕолоругар Ороһуоспатааҕы баала үтүө үгэскэ кубулуйда. Быйылгы баалга чулуулартан чулуулар талыллан, 300 үөрэнээччи тоҕуоруһа муһунна. Тохсунньу 17 күнүгэр “Айылгы” КК сарсыарда 10 чаастан саҥа дьыллааҕы эриэккэс эйгэ арылынна. Ол курдук, “Үөрүү” оҕо сайдар киинин иитиллээччилэрэ – “Ча-ча-ча”үҥкүүнэн, Дьокуускай куораттан “Империя праздника” тэрилтэттэн- мыльнай шоунан, сэдэх маскарадтаах дьон-сэргэ, С.К. Макаров аатынан Чурапчы гимназия оҕолоро - робот үҥкүүтүнэн эҕэрдэлии көрүстүлэр. Сонно –тута, мүччүргэннээх сырыылаах “Космо-квест” оонньуу ыытылынна. Манна оҕолор станциянан көһө сылдьан күчүмэҕэйдэри туораатылар. Түмүккэ, саамай көхтөөхтүк кыттан Ядрихинскай Виталий Амма орто оскуолатын үөрэнээччитэ, улууспут Баһылыгын анал бирииһинэн наҕараадаланна.
   

Ороһуоспатааҕы баал үөрүүлээх чааһа “Дьиэрэҥкэй” ансаамбыл уоттаах-күөстээх шардардаах үҥкүүтүнэн сэргэхтик саҕаланна. Дьокуускай куораттан анаан ыҥырыллан кэлбит светодиод шоу көрү-нары көҕүлээтэ. “Чурапчыбын таптыыбын”, “Бал главы” тыллары уотунан таһааран көрөөччү сүргэтин көтөхтө. “Үөрүү” оҕо сайдар киинин Дириҥнээҕи филиалын “Дабаан” театральнай куруһуогун оҕолоро, салайааччы Тарасов С.К. туруоруутугар, “Приключение Джонатана” представление көрдөрдүлэр. 2018 сыл Чурапчыбыт улууһугар “Оҕо уонна ыччат дьоҕурун сайыннарыы” сылынан биллэриллибитэ. Мантан сиэттэрэн, саха ыччатын биир сэдэх дьоҕурдааҕа, талба талааннааҕа, саха хомуһун уратытык ыллаппыт Айсен Аммосов ыалдьыттаата. Айсен Аммосов хомус кутуллар доҕоонугар куустаран, зал иһин ураты тыынынан толордо.
Чурапчы улууһун баһылыга А.Т. Ноговицын үөрэхтэригэр туйгун, спортка чулуу, общественнай олоххо көхтөөх оҕолорго эҕэрдэ тыл эттэ, баҕа санаатын тиэртэ. Маны таһынан, анал аат туттартаан оҕолор үөрүүлэрэ үксээтэ, салгыы да үрдүктэн үрдүккэ талаһарга тирэх буолла.
Бал ураты көстүүтүнэн, кыттааччылар сыанаҕа кылгас үҥкүүнэн бэйэ-бэйэлэрин эҕэрдэлээһиннэрэ буолла. “Чурапчы кэскилэ” түмсүү оҕолоро көрөөччүлэргэ оонньуу - көр тэрийдилэр.


Маскарад күрэҕэр олус элбэх оҕо кытынна. Манна илиинэн оҥоһуу маскарад сыаналанна. Бастакы миэстэни Архипова Нарыйаана (С.К. Макаров аатынан Чурапчы гимназията), Ефремова Лена (Н.Д. Субуруускай аатынан Болтоҥо орто оскуолата), Филиппов Слава ( А.П. Илларионов Хайахсыт орто оскуолата), Хоютанова Дарина (Төлөй орто оскуолата),Федосеева Яна (И.М. Павлов аатынан Чурапчы орто оскуолата)ураты, уустук оҥоһуулаах маскарадтарынан ыллылар.

Түмүгэр, тэрээһин саамай күүтүүлээх ыалдьыттара, Тымныы оҕонньор, Хаарчааналыын эҕэрдэлээтилэр,бэлэхтэрин туттардылар!

IMG 55

 

 

 

 

 

 

 

 

 

 

 

 

 

Прочитано 231 раз Последнее изменение Пятница, 19 января 2018 15:31