Бүгүн, ыам ыйын өрөгөйдөөх күнүгэр, биһиги Улуу Кыайыы 80 сылын үөрэ-көтө, киэн тутта бэлиэтиибит. Улахан хаан тохтуулаах ньиэмэс халабырдьыттарын уонна милитаристскай Японияны утары сэриигэ Ийэ дойдубут норуота утары туран, сэриигэ уонна тыылга  кыайыы туһугар тугунан да кэмнэммэт, үйэ-саас тухары умнуллубат хорсун быһыыны көрдөрбүтэ.

Дойдуларын көмүскэлигэр туруммут Чурапчы оройуонун хорсун уолаттарын ортотугар икки сүүстэн тахса учуутал, педучилище студеннара Аҕа дойду Улуу сэриитин бары фроннарыгар сэриилэспиттэрэ, сырдык тыыннарын толук уурбуттара. Тыылга хаалбыт дьоммут-сэргэбит фронт туһугар бары күүһүн уурбута, көһөрүү ыар тыынын билбитэ. Уоттаах сэрии кэнниттэн норуот хаһаайыстыбатын чөлүгэр түһэриигэ эргиллибит саллааттар, нэһилиэнньэ биир киһи курдук сылайары билбэккэ туруммуттара. Үөрэх эйгэтин  салайан кэлбит,  сайдарыгар кылааттарын киллэрбит  сүүрбэттэн тахса сэрии ветераннарын ааттарынан киэн туттабыт. Үүнэр көлүөнэҕэ сэрии алдьархайын, саха буойуттарын хорсун суолларын тиэрдии, үйэтитии биһиги ытык иэспит буолар.

Аатырбыт артиллерист Гавриил Протодьяконов, үгүс сэрииһити үйэтиппит Иван Павлов, саха Маресьевынан ааттаммыт Степан Макаров, Ленинград блокадатын кыттыылааҕа Анастасия Старостина, учуонайдар Дмитрий Красильников, Афанасий Макаров, үтүөлээх учуутал Петр Васильев, норуодунай суруйааччы Василий Соловьев-Болот Боотур ааттарын үөрэх тэрилтэлэрэ чиэстээхтик сүгэллэр, буойун учууталлар ааттара үйэтитиллэр.

Улуу Кыайыы сырдык күнүнэн барыгытын эҕэрдэлиибит, үтүө доруобуйаны, дьолу-соргуну баҕарабыт!

В республике работает Министр просвещения РФ Сергей Кравцов. Он посетил Якутскую кадетскую школу и дополнительное здание Саха политехнического лицея. Сергей Сергеевич высоко оценил наши проекты и отметил, что опыт Якутии необходимо масштабировать в других регионах страны.