Алтынньы 26-27 күннэригэр оскуола музейдарын бүтүн Арассыыйатааҕы съезтэригэр Профессор Георгий Прокопьевич Башарин аатынан Сылаҥ уонна Иван Михайлович Павлов аатынан Чурапчы орто оскуолаларын делигациялара кыттыыны ыллылар.
Съезд үлэтигэр Россия араас регионнарыттан барыта 400 тахса киһи кэлбит. Икки күн устата Кыайыы музейыгар үрдүк таһымнаах араас тэрээһиннэр ыытылыннылар, элбэх экскурсиялар, проектнай үлэлэр тэриллиннилэр, оскуола музейдарын сайдыытын тула кэпсэтии, төгүрүк остуол буолла. Школьный музей Победы" оҕо киинин салайааччыта Елена Сергеевна Слесаренконы кытта бииргэ үлэлииргэ дьоһуннаах кэпсэтии ыытылынна.
Быйылгы съезкэ И.М. Павлов аатынан оскуолатын музейа хас да сыллаах ситимнээх үлэтэ сыаналанан, музей салайааччыта Михаил Владимирович Дьячковскай, нуучча тылын учуутала Павлина Артемовна Матвеева "Наставник" анал номинацияны туттуллар. Е.Д. Макаров аатынан Сылан орто оскуолатын кыраайы үөрэтэр музей салайааччыта Клара Гаврильевна Макарова "Школьный музей. Взгляд в будущее" куонкурска "Оскуола музейыгар кылаас чааһа" номинацияҕа Степан Кузьмич Макаров туһунан кылаас чааһын сценарийа бастыҥынан ааттанна.
Оскуола музейдара сайдалларын туһугар өр сылларга таһаарылаахтык үлэлиир-хамсыыр педагогтарбыт үлэлэрэ сыаналаммытынан эҕэрдэлиибит. Эһиги үлэҕит атыттарга холобур буолара саарбаҕа суох. Айымньылаах үлэни, солун тэрээһиннэри күүтэбит.
