П.М. Васильев аатынан Соловьев орто оскуолатыгар тохсунньу 27 күнүгэр "Бырааттыы Васильевтар-сырдыгы саҕааччылар, киэҥ суолга сирдээччилэр" өрөспүүбүлүкэтээҕи научнай- практическай конференция алтыс төгүлүн ыытылынна. Конференция очнай-дистанционнай көрүҥүнэн, нууччалыы-сахалыы тылынан ыытылынна. Барыта 4 хайысханан буолла.
1 хайысха- чинчийэр-сылыктыыр үлэни көмүскээҺин. Манна барыта 6 секция үлэлээтэ:
- Бырааттыы Васильевтар олохторо, айар үлэлэрин үйэтитии.
- Лингвистика, тыл наукалара.
- История, кыраайы үерэтэр наукалар.
- Естественнай, физико-математическай, агро -технологическай наукалар.
- Культурология, искусствоведение, фольклор секцията.
- Педагогтар секциялара үлэлээтилэр.
Бу хайысхаҕа уопсайа 189 үлэ көмүскэннэ.
2 хайысха: Араатардар күрэхтэрэ- барыта 26 оҕо кытынна.
3 хайысха: Фольклор - барыта 57 оҕо тойукка, чабырҕахха, остуоруйа кэпсээҺинигэр күрэхтэстилэр.
Ойуулуур-дьүҺүннүүр, прикладной ускуустуба хайысхатыгар 122 оҕо кыттыыны ылла.
Конференция уопсайа 394 кыттааччыны хабан үлэлээтэ, ол иҺиттэн 120 киҺи миэстэтигэр кэлэн кытынна, 274 кыттааччы дистанционнай форманан. Өрөспүүбүлүкэ 13 улууһун оскуолаларыттан кытыннылар. Ол курдук, Чурапчы, Таатта, Сунтаар, Нам, Булуҥ, Дьокуускай, Горнай, Бүлүү, ҮөҺээ Бүлүү, Мэҥэ Хаҥалас, Уус Алдан, Эбээн Бытантай, Амма, Мирнэй улуустарын оскуолалара.
Экспертэринэн Васильевтар сиэннэрэ Васильев П.С., техническай наука кандидата, биологическай наука доктора Собакин П.И., СВФУ факультеттарын преподавателлэрэ, учуонай степеннээх үлэҺиттэр, С.К. Макаров аатынан Чурапчы гимназиятын научнай үлэҕэ директоры солбуйааччы Соловьева И.С., элбэх оҕону чинчийэр үлэҕэ дьарыктыыр Хоютанова М.И., улуустааҕы үөрэх управлениетыттан Илларионов Д.А., "Үөрүү" оҕо дьоҕурун сайыннарар киинтэн Собакина А.И.,Ходулов А.П., С.А.Новгородов аатынан Чурапчы орто оскуолатыттан Макарова Л.К., уо.д.а., учууталлар, иитээччилэр сыаналаатылар. Конференция үрдүк таҺымнаахтык ыытыллыбытын бары кыттааччылар, экспертэр сыаналаатылар, улахан тэрээһинтэн астыммыттарын биллэрдилэр.
View the embedded image gallery online at:
https://www.churap.ru/index.php?option=com_k2&view=item&id=1043:&Itemid=101#sigProId511bcdab47
https://www.churap.ru/index.php?option=com_k2&view=item&id=1043:&Itemid=101#sigProId511bcdab47
