Улуу Кыайыы күнүн көрсө Чурапчы улууһун оскуолаларыгар, уһуйааннарыгар кэккэ тэрээһиннэр ыытылла тураллар.

Ол курдук "Спасибо деду за Победу", "Георгиевская ленточка"  уонна «Окна Победы» акцияларга үгүс оҕо көхтөөхтүк кыттыыны ылла. Тыыл бэтэрээннэрин, хоту көһөрүллүү кыттыылаахтарын, бойобуой дьайыы бэтэрээннэрин кытта "Умнуллубат көрсүһүүлэр" ыытылыннылар, дьиэлэригэр-уоттарыгар тимуровскай көмө оҥоһулунна. Кыайыы күнүгэр анаммыт линейкалар, театрализованнай дьүһүйүүлэр ыытылыннылар.

Семен Новгородов аатынан Чурапчы орто оскуолатын 1000 оҕолоох хора «День Победы» ырыатынан Кыайыы былааҕын уруйдуу көрүстэ. Оскуолалар байыаннай-спортивнай кулуубтарын оҕолоро Улуу Кыайыы 79 сылыгар анаммыт парадка кыттыыны ыллылар.