Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылыгар аналлаах XIX өрөспүүбүлүкэтээҕи «КӨТҮӨХХЭ ҮРДҮККЭ ХОТОЙДУУ» уоланнар ааҕыыларыгар кэтэхтэн түһүмэҕэр 18 хамаанда Чурапчы, Нам, Уус Алдан, Кэбээйи, Таатта, Горнай, Бүлүү улуустарыттан уонна Дьокуускай куорат оскуолаларыттан (39, 12 нүөмэрдээх ОО) барыта 165 уол оҕо кыттыыны ылла. Бөлөхтөр кэтэхтэн күрэхтэспит видео матырыйааллара Рутуб ханаалга алтынньы 17 күнүттэн тахсыбыта. “Куйаар ситим” анал аат кыайыылааҕынан Төлөй орто оскуолата, Чурапчы улууһа буолла.
XIX өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларын финала алтынньы 28 күнүгэр Дьокуускай куоракка П.А. Ойуунускай аатынан литературнай музейга буолла. Ил Дархан бириэмийэтин ылар иһин барыта 10 уол биир бөлөх буолан, “Көтүөххэ үрдүккэ хотойдуу” дьүһүйүүнү аахтылар. Салайааччы А.Н. Кузьмина. Кинилэр “Бастыҥ ааҕааччы” анал ааты ыллылар, өрөспүүбүлүкэтээҕи “Аҕа лигата” махтал сурук туттарда.
“Өрөгөй” анал ааты Дмитрий Петрович Коркин аатынан Чурапчытааҕы республиканскай олимпийскай эрэллэри бэлэмниир интернат оскуола 11 кылааһын үөрэнээччитэ Петр Попов Ил Дархан бириэмийэтинэн наҕараадаланна.
