Чурапчы улууһун үөрэҕин салалтатын аатыттан С.К. Макаров аатынан Чурапчы гимназиятын выпускницатын Сивцева Айсана Куону нуучча тылыгар Биир кэлим эксээмэҥҥэ (ЕГЭ) муҥутуур 100 баалы ылбытынан ис сүрэхтэн итиитик-истиҥник эҕэрдэлиибит!
Бу улахан ситиһии сыралаах үлэ, дьулуур уонна билиигэ тардыһыы түмүгэ буолар. Санатан эттэххэ, Чурапчы гимназиятыттан быйыл иккис выпускник муҥутуур көрдөрүүнү ситиспитэ-бу үөрэх кыһатын таһымнаах уонна хаачыстыбалаах үлэтин өссө төгүл бигэргэтэр.
Ураты махталбытын үөрэнээччини үрдүк ситиһиигэ сирдээбит учууталга Лена Романовна Семеноваҕа тиэрдэбит. Эһиги уһуйар талааҥҥыт, иитэр-үөрэтэр үлэҕит үрдүк түмүктэргэ кынаттыырын үөрэппит оҕолоргут Седалищева Сардана 2020 сыллаахха литератураҕа уонна Айсана Куо нуучча тылыгар 100-баалы ылбыттара туоһулуур. Оҕо ис кыаҕын арыйарыгар куруук тирэх, күүс-көмө буолар төрөппүттэргэ истиҥ эҕэрдэ уонна махтал!
Айсана Куоҕа талбыт үөрэҕин кыһатыгар киирэригэр уонна ыра санаалара барыта туолалларыгар ис сүрэхтэн баҕарабыт!