Уроки по Joomla 3 можно найти здесь: http://joomla3x.ru/
Пятница, 18 мая 2018 17:30

“Тиһиликкэ оҕо саас» күрэх түмүктэрэ

Автор 

Билигин медиаүөрэхтээһиҥҥэ оҕону кыра сааһыттан сыһыарыы кэм ирдэбилэ буолла. Уһуйааннары, оскуола алын кылаас оҕолорун медиа үөрэҕириигэ сыһыарыы үлэтин кэҥэтэр-элбэтэр сыаллаах, «Улыбка» уһуйаан көҕүлээһининэн,  Чурапчытааҕы үөрэх управлениетын өйөбүлүнэн, “Саха” НКИХ “ “Оҕо редакциятын” кытары “Тиһиликкэ оҕо саас” диэн холбоһук-күрэх ыытылынна. Педагогтар уопуттарын киэҥ эйгэҕэ таһаарар, кыра оҕону кэрэ эйгэҕэ уһуйар, обществоны оҕо айымньытыгар болҕомтолорун тардар, ону таһынан партнерство үлэтин күүһүрдэр тэрээһин иккис төгүлүн өрөспүүбүлүкэ таһымнаах ааста.

Олунньу ыйтан балаһыанньа ыытыллан муус устар бүтүөр диэри үлэлэри хомуйдубут. Барыта алта көрүҥүнэн балаһыанньанан ыытыллыбыта. Мультфильм оҥоруутугар, оҕо ырыатынан клип уһулуутугар, ону таһынан быйыл хоһоон ааҕыыта киирэн биэрбитэ (“Бастыҥ хоһуйуу”). “Детская тележурналистика” диэн уопсай ааттаан, ол иһигэр киирэр “Сатабыл”, “Тоҕочоон”, “Үтүө үгэстэр” номинациялары араартаабыппыт. Бу үс көрүҥ таһынан репотаж, интервью быһыылаах хас да үлэ киирбитинэн, “Бастыҥ биэрии” диэн номинацияны эбии уган биэрдибит.

Күрэх географията киэҥ: Таатта, Мэҥэ Хаҥалас, Хаҥалас, Горнай, Нам, Амма, Уус-Алдан, Сунтар, Бүлүү, Үөһээ Бүлүү, Ньурба, Кэбээйи, Орто Халыма, Муома, Эбээн Бытантай, Томпо, Чурапчы улуустарыттан, Дьокуускай, Мирнэй куораттан кыттыыны ыллылар.

Былырыын уопсайа 82 үлэ киирбит буоллаҕына, быйыл 115 үлэ киирдэ. Дьүүллүүр сүбэҕэ үлэлэстилэр Керемясова Е.П.- “Саха” НКИХ “ “Оҕо редакциятын” директора, Дмитриев Р.С. -“Саха” НКИХ» Чурапчытааҕы «Маарыкчаан» филиалын режиссер-оператора, Игнатьева О.Б. –Чурапчытааҕы Үөрэх управлениетын специалиһа, Монгуш Д.Г – Чурапчытааҕы “Айылгы” СК специалиһа, Саввин С.Г.- Чурапчытааҕы «Радость» Оҕо дьоҕурун сайыннарар киин телестудиятын салайааччыта, Беляева А.И. Чурапчытааҕы "Улыбка" уһуйаан методиһа, Собакина А.Н.- "Улыбка" уһуйаан тьютора, Чичигинарова Л.И. "Улыбка" уһуйаан социальнай педагога, Саввина М.П.- «Тиһилик» телестудия салайааччыта.

   Балаһыанньаҕа олоҕуран, оскуолаҕа киириэн иннинээҕи саастаах оҕолор уонна алын кылаас үөрэнээччилэрэ салайааччыларын кытта оҥорон таһаарбыт үлэлэрин көрдүбүт. Уопсайа 115, араас көрүҥнэргэ үлэлэр киирдилэр. Быйыл уһуйаан уонна оскуола диэн тус-туһунан сыаналаатыбыт. Ордук ырыанан клип устуутугар, мультфильм оҥоруутугар, хоһоонунан дьүһүйүүгэ элбэх айымньылаах үлэ киирдэ.

Теле-суруналыыстыкаҕа интервью, сюжет, репортаж быһыытынан араас үлэлэр киирдилэр. Сүрүннээн, оҕо саҥата, туттара-хаптара, сюжет толорута, ис хоһооно, техническэй уһулуу хаачыстыбата сыаналанна. “Сатабыл” балаһаҕа оҕо бэйэтэ оҥоһук оҥорон көрдөрдө. Туох матырыйаалтан, хайдах оҥоһулларын сиһилии көрдөрөн олорон кэпсээн-ипсээн тиэрдиитэ, техническэй өрүтэ сыаналанна. “Үтүө үгэстэр” балаһаҕа үлэ суоҕун кэриэтэ. Саамай элбэх оҕону хабар дьаһалынан, кэрэ эйгэҕэ сыһыарыы биир уустук көрүҥэ ырыанан килииби уһулуу буолла. Манна холобур буолар үлэлэртэн саҕалаан, саҥа саҕалыыр дьон айымньылара эмиэ бааллар. Килииби көрүүгэ ырыа ис хоһоонун арыйыытыттан саҕалаан, техническэй хаачыстыбатын, оҕо сценическэй көстүүтэ, ырыа тэтимигэр сөп түбэһэр көстүүнү биэриитэ эмиэ сыаналанна.

Мультфильм көрүҥэр быйыл олус элбэх саҥа үлэлэр киирбиттэрэ хайҕаллаах. Хромакейы туһаныы элбээбит, компьютерга уруһуйунан оҥоһуллубут үлэ олус сөхтөрдө.  

     Болҕомтобутун ордук киэҥ эйгэҕэ туһаныллар ис хоһоонноох, хаачыстыбалаах үлэлэргэ уурдубут.

“Теле-суруналыыстыкаҕа” оҕо ситимнээх, чуолкай саҥатын сайыннарар, тылын саппааһын байытар сыаллаах көрүҥҥэ үлэ олус аҕыйах.

«Бастыҥ хоһуйуу”, «Бастыҥ клип» көрүҥнэригэр оҕо олус үчүгэйдик толоруутун техническай уһулуу хаачыстыбата, тыаһа-ууһа мөлтөтөн биэрэр.

   Мультфильм оҥоруутугар улахан дьон оҥорон кыттыбыттара сыаналамматылар. Алын кылаастан үөһэ саастаах оҕолор үлэлэрэ эмиэ киирсибэтилэр.

   Гран-при хаһаайынынан Жатайдааҕы «Снежинка» уһуйаан, сал. Оконешникова Светлана Егоровна, бары үлэлэрэ туруоруутунан, оҕолор толорууларынан, устуутунан, хаачыстыбатынан баһыйарынан чорбойон таҕыста. Күрэх кыайыылаахтарын үлэлэрин, ону таһынан дьүүллүүр сүбэ санааларын YouTube «Тиһилик» ханаалга көрүөххүтүн сөп.

Мария Саввина «Улыбка» уһуйаан«Тиһилик» телестудиятын салайааччыта

«БАСТЫҤ МУЛЬТФИЛЬМ»

Уһуйааннарга:

1 миэстэ “Аптаах кынаттар” кумааҕынан мультфильм Кудрина Джамиля “Сулусчаан” уһуйаан, сал. Яровенко Алла Ивановна, Муома улууһа, Чуумпу нэһилиэгэ.

2 миэстэ “Теремок” пластилинынан мультфильм “Смайлик” бөлөх. Сал. Слепцова Екатерина Прокопьевна, Большакова Сардана Николаевна. «Туллукчаана» уһуйаан, Таатта улууһа, Ытык Күөл.

3 миэстэ «Тигээйи уонна сахсырҕа» пластилинынан мультфильм, «Мульти-пульти» сообщество, сал. Константинова С.И. «Детский сад №20” Уус-Алдан улууһа, Балыктаах нэһилиэгэ.

Оскуолаларга:

1 миэстэ «Киhи этин-сиинин тутула» уруһуйунан мультфильм, Кононов Вова, Оҕо Дыбарыаһа, сал. Слепцова А.С. Дьокуускай куорат.

2 миэстэ “Колобок” Д.Ф.Алексеев аатынан орто оскуола 3-с кылаас үөрэнээччилэрэ, «Сайдыы» эбии үөрэхтээһин киинин «Ыллык» телестудия иитиллээччилэрэ, сал. Николаева Валентина Павловна, Избекова Айталина Васильевна.Нам улууһа Кыһыл Сыыр нэһилиэгэ Црр “Сайдыы”

3 миэстэ   “Үһүйээн уонна таптал” кумааҕынан мультфильм, «Кыымчаан» куруһуок, сал. Федорова Марианна Васильевна, Соловьева Светалана Дмитрьевна, Соловьевтааҕы орто оскуола, Чурапчы улууһа Мырыла нэһилиэгэ

Номинацияҕа

“Творческая постановка” «ПОКРОВСКАЯ ЦЕРКОВЬ В ГОРОДЕ СРЕДНЕКОЛЫМСКЕ» кумаҕынан мультфильм, Василиса Бандерова 3 кылаас, С.Н.Горохов аатынан Ойуһардаах орто оскуолата, сал. Горохова Г.Я. Орто Халыма улууһа, Ойуһардаах нэһилиэгэ

“Творческая постановка” “Три добрых друга” бэлэмнэнии бөлөх “Ньургуһун” уһуйаан, сал. Мари-Энн Степанова, Үөһээ Бүлүү улууһа, Үөһээ Бүлүү нэһилиэгэ.

“БАСТЫҤ КЛИП”

Уһуйааннарга:

1 миэстэ “Саас кэллэ” ырыанан клип, орто бөлөх иитиллээччилэрэ, «Березка» уһуйаан, сал. Константинова Наталья Васильевна, Сунтар улууһа, Сунтар нэһилиэгэ.

2 миэстэ “Кэтэһиилээх кэм” ырыанан клип, бэлэмнэнии бөлөх, сал. Захарова Наталья Ивановна, 2-с нүөм. «Сулусчаан» уһуйаан Таатта улууһа

3 миэстэ «Весна» ырыанан клип, Мозгачева Софья, 4-с нүөмэрдээх «Снежинка» уһуйаан, сал. Оконешникова Светлана Егоровна, Жатай нэһилиэгэ.

Оскуолаларга:

1 миэстэ “Сахам кыыһа” ырыанан клип «Сайдыы» эбии үөрэхтээһин киинин «Ыллык» телестудия иитиллээччилэрэ, сал. Избекова Айталина Васильевна. Нам улууһа, Кыһыл Сыыр нэһилиэгэ

2 миэстэ «Оҕо саас» ырыанан клип “ Мүчүк ” телестудия, сал. Еримеева Диана Алексеевна, Попова Александра Руслановна, В.Н.Оконешников аатынан орто оскуола. Мэҥэ-Хаҥалас, Павловскай нэһилиэгэ.

3 миэстэ “Харыстааҥ ветераны” ырыанан клип 4-с кылаас, сал. Протопопова Дария Алексеевна, Н.С. Степанов аатынан орто оскуола, Бүлүү улууһа Бүлүү куорат.

Номинацияҕа:

«Оригинальность сюжета» номинация «Булчут ырыата» ырыанан клип Эверстов Эрчим, Тебюлях орто оскуолата Муома улууһа,сал. Гуляева Нюргуяна Егоровна с.Чуумпу –Кытыл нэһилиэгэ

“Яркость таланта” номинация. “Таас оҕуруо табалар” ырыанан клип Стручкова Агния «Сулусчаан» уһуйаан, сал. Гуляева Нюргуяна Егоровна, Муома улууһа, с.Чуумпу –Кытыл нэһилиэгэ

“Зрительская симпатия” номинация. “Кырачаан суоппар” ырыанан клип орто бөлөх уолаттара, сал. Максимова Варвара Николаевна, «Кэскил» уһуйаан,   Таатта улууһа Туора – Күөл нэһилиэгэ

“БАСТЫҤ ХОҺУЙУУ»

Уһуйааннарга:

1 миэстэ «Лучше нет родного края» Злата Ощепкова, 4-с нүөмэрдээх «Снежинка» уһуйаан, сал. Оконешникова Светлана Егоровна, Жатай нэһилиэгэ.

2 миэстэ «Таптыыбын» бэлэмнэнии бөлөх, «Кэнчээри» уһуйаан, сал. Васильева Клавдия Ивановна, Рожина Саргылана Михайловна,Уус-Алдан улууһа Мындааба нэһилиэгэ

3 миэстэ «Сахам сиригэр маай кэллэ» Инесса Катакинова, «Айылгы» уһуйаан, сал. Яковлева Мария Прокопьевна, Горнай улууһа, Күөрэлээх нэһилиэгэ

Оскуолаларга:

1 миэстэ “Ийэ дойду хантан саҕаланар” 1 кылаас коллектива   “ Мүчүк ” телестудия, сал. Колосова Юлия Егоровна, Попова Александра Руслановна, В.Н.Оконешников аатынан орто оскуола,   Мэҥэ-Хаҥалас, Павловскай нэһилиэгэ.

2 миэстэ «Сахам сирэ» 1 кылаас коллектива «Эҥсиэли уолаттара»,   Н.С. Охлопков аатынан Намнааҕы улуснай гимназия, сал. Сорокоумова Любовь Петровна, Нам улууһа, Нам нэһилиэгэ.

3 миэстэ «Бу маай тыала, бу маай тыаһа» Малышева Мичилиинэ , 1-кы нүөмэрдээх начальнай оскуола, сал. В.Н.Малышева, Бүлүү улууһа, Бүлүү куорат.

Номинацияҕа:

«Оригинальность сюжета» “Балыксыттар» Сильвестров Айгылаан, «Күнчээн» уһуйаан, сал. Игнатьева Парасковья Ильинична, Мэҥэ-хаҥалас улууһа, Рассолода нэһилиэгэ

“Зрительская симпатия” “Төрөөбүт дойдум Мырыла” 4-с кылаас, сал. , сал. Федорова Марианна Васильевна, Соловьева Светалана Дмитрьевна, Соловьевтааҕы орто оскуола, Чурапчы улууһа Мырыла нэһилиэгэ

“БАСТЫҤ БИЭРИИ»

Уһуйааннарга:

1 миэстэ “Телерепортаж” Пяткова Мирослава, 4-с нүөмэрдээх «Снежинка» уһуйаан, сал. Оконешникова Светлана Егоровна, Жатай нэһилиэгэ.

Оскуолаларга:

1 миэстэ «Герой эһээлэрбит” 2-с кылаас, Т.Г. Десяткин аатынан Тумул орто оскуолата, сал. Птицына Евдокия Трухановна, Мэҥэ-Хаҥалас, Тумул нэһилиэгэ.

«САТАБЫЛ”

Оскуолаларга:

1 миэстэ “Бөхтөн туһалааҕы” Акимова Юля “ Мүчүк ” телестудия, В.Н.Оконешников аатынан орто оскуола, сал. Колосова Юлия Егоровна, Нестерова Тамара Иннокентьевна,   Мэҥэ-Хаҥалас, Павловскай нэһилиэгэ.

2 миэстэ «Араас материалтан оҥоһуктар» Костя Марков, Л.В.Киренскай аатынан лицей, сал. Маркова Дария Леонидовна, Амма улууһа, Амма нэһилиэгэ.

Уһуйааннарга:

1 миэстэ «Кумааҕы оҥоһук» Сарыал Колесов, «Кэнчээри» уһуйаан, сал. Слепцова Валентина Николаевна, Эбээн Бытантай улууһа, Кустуур нэһилиэгэ.

2 миэстэ “Рыбка из пластика” Ыракыева Кристина, «Кэнчээри» уһуйаан «Алмазик» филиала, сал. Иванова Евдокия Филипповна, Мирный куорат.

3 миэстэ «Быраҕыллыбыт CD-дискаттан чаһы » Эльвира Собакина «Сулусчаан» уһуйаан, сал. Захарова Наталья Ивановна, Таатта улууһа, Ытык Күөл.

Номинациялар

“Зрительская симпатия” «Сахалыы конструктор» Айсар Охлопков «Сырдыкчаан» уһуйаан, сал. Атакова Валентина Егоровна Томпо улууһа, Кириэс-Халдьаай нэһилиэгэ.

“ТОҔОЧООН”

Уһуйааннарга

1 миэстэ «Оо дьэ тоҕо?» «Айылгы» уһуйаан сал. Тимофеева Людмила Васильевна, Горнай улууһа, Күөрэлээх нэһилиэгэ

2 миэстэ «Мин олорор уулуссам» Курышева Эмма, Васильева Элина, «Кэнчээри» уһуйаан «Алмазик» филиала, сал. Саввинова Анна Николаевна, Мирный куорат.

Оскуолаларга

1 миэстэ “Кинигэ-билии төрдө” “ Мүчүк ” телестудия,   В.Н.Оконешников аатынан орто оскуола. сал. Попова Александра Руслановна, Мэҥэ-Хаҥалас, Павловскай нэһилиэгэ.

                                                                                                                                              

 

Прочитано 158 раз Последнее изменение Пятница, 18 мая 2018 17:43