Уроки по Joomla 3 можно найти здесь: http://joomla3x.ru/
Вторник, 29 мая 2018 15:20

Сылы түмүктүүр сайыҥҥы комплекснай спартакиада

Автор 

  Хас биирдии киһи эт –хаан өттүнэн доруобай туруга, бэйэни кыанар буолара- бу норуот эстибэт тыына, быстыбат күүһэ. Онон оҕо -ыччат доруобай буолуута, спордунан дьарыктанан, чөл олоҕу тутуһуута сүҥкэн улахан суолталаах.Сыл устата оскуолалар икки ардыларыгар комплекснай спартакиада ыытыллар. Ыам ыйын 26 күнүгэр, сылы түмүктүүр сайыҥҥы спартакиада физкультура ветеран учууталларын бирииһигэр ыытылынна. Жирков Василий Митрофанович, Адамов Николай Николаевич, Митин Павел Федорович, Оконешников Николай Афанасьевич, Дьяконов Виктор Семенович, Сергеев Антон Антонович, Собакин Петр Иванович, Давыдов Егор Иннокентьевич, Нохтунскай Гаврил Федорович, Кривошапкин Владислав Николаевич, Нохтунская Вера Алексеевна, Новгородова Анна Васильевна, Исаков Илья Ильич, Кожуров Василий Николаевич өр сылларга оҕолору физкультура уруогар эт-хаан өттүнэн эрчийбит, талбыт идэлэригэр бэриниилээхтик, үрдүк көрдөрүүлээхтик үлэлээбит ытыктыыр дьоммут бириис туруордулар. Бу күн Чурапчы улууһун спордун сайдыытыгар бэйэтин сүҥкэн кылаатын киллэрбит, элбэх оҕону иитэн-такайан таһаарбыт, кырдьаҕас ветеран учууталбытын, Василий Митрофанович Жиркову кырдьаҕас коллегалара, табаарыстара, Чурапчы улууһун спордун управленията, үлэлээн ааспыт Н.Д. Субурусскай аатынан Болтоҥо орто оскуолатыттан коллектива 80 сааһынан эҕэрдэлээтилэр.

IMG 3797

 

 

  Барыта 13 оскуолаттан 150 - ча оҕо чэпчэки атлетикаҕа уонна хапсаҕайга күрэхтэстилэр. Оҕолор бары да дьаныардаахтарын, кыайыыга дьулуурдарын, сыл устата күүскэ дьарыктаммыттарын көрдөрдүлэр. 100, 400, 800, 1500 м сүүрүү, ырааҕы ыстаныы көрүҥнэригэр саамай үрдүк көрдөрүүлээх С.А. Новгородов аатынан Чурапачы орто оскуолата тэҥнээҕин булбата, 2 миэстэҕэ Е.И. Федосеев аатынан Дириҥ –агро орто оскуолатын спортсменнара таҕыстылар. 3 миэстэни олох аҕыйах очконан хаалан, тилэх баттаһа киирсэн, И.М. Павлов аатынан Чурапчы орто оскуолатын оҕолоро ылыахтарын ыллылар.
Саха төрүт оонньуутугар - хапсаҕайга эмиэ тыҥааһыннаах киирсии буолла. Ол курдук, буулаҕа мас курдук мускуллан, Е.И. Федосеев аатынан Дириҥ –агро орто оскуолатын уолаттара кими да тулуппакка, 1 миэстэни ыллылар. 2 миэстэ - Г.П. Башарин аатынан Сылан орто оскуолата, 3 миэстэ- С.А. Новгородов аатынан Чурапчы орто оскуолата.

IMG 3787

 IMG 3793

 IMG 3780

 

       Бары Чурапчы спордун инники эрэллэрин уонна кинилэри иитэр-эрчийэр учууталлары эҕэрдэлиибит! Инникитин даҕаны маннык күрэхтэргэ ситиһии кэлэ турдун, туппут илиигитин ыһыктыман, тэппит атаххытын кубулутуман!!!!

Прочитано 296 раз Последнее изменение Вторник, 29 мая 2018 16:27