Уроки по Joomla 3 можно найти здесь: http://joomla3x.ru/
Четверг, 31 мая 2018 18:06

Оҕо түмсүүтүн хамсааһынын фестиваля

Автор 

Улууска оҕо хамсааьынын тэрилтэлэрин бастакы фестивала

Ыам ыйын 26 күнүгэр Чурапчыга бастакытын оҕо түмсүүтүн хамсааһынын фестиваля уонна пионерия күнүн бырааһынньыга буолан ааста. Бу фестивалы иилээн – саҕалаан ыыттылар улуустааҕы «Чурапчы кэскилэ» оҕо тэрилтэтин оҕолоро. Онно уопсайа 5 оскуолаттан 55 саамай актыыбынай оҕолоро кыттыыны ыллылар. Аан бастаан хамаандалар икки ардыларыгар бэйэни билиһиннэрии күрэҕэ буолла, иккиһинэн бэйэлэрин оскуолаларын оҕо хамсааһынын быыстапкатын көмүскээтилэр, үсүһүнэн спортивнай ориентирование диэн олус интириэһинэй күрэх буолла, төрдүһүнэн викторина буолбута, онно оҕолор пионерия туһунан төһө биллэллэрин көрдөрдүлэр. Эбиэттэн киэһэ коммунарскай сбор буолла, хамаанданан станцияларынан оонньоотулар.

IMG 20180526 WA0086

Түмүккэ визиткаҕа 1 миэстэни Хатылы орто оскуолата, 2 миэстэни Чурапчытааҕы гимназия, 3 миэстэни И.М. Павлов аатынан Чурапчы орто оскуолата ылла. Спортивнай ориентированияҕа 1 миэстэ – Чурапчытааҕы гимназия, 2 миэстэ – Ожулун орто оскуолата, 3 миэстэ – Хадаар орто оскуолата буоллулар. Пионерия туһунан викторинаҕа 1 миэстэ – Чурапчытааҕы гимназия, 2 миэстэ – Хадаар орто оскуолата, 3 миэстэ – Хатылы орто оскуолатын үөрэнээччилэрэ ыллылар.

Дьэ бу маннык курдук интириэһинэй, оҕолору үөрэтэр фестиваллар ыытыллаллара олус үчүгэй уонна хас сыл аайы ыытыллан үгэскэ көһүө диэн эрэнэбит.

IMG 20180526 WA0196

Егорова Алина, Старостина Милена

«Чурапчы кэскилэ» оҕо хамсааһынын кэриспэндьиэннэрэ

Прочитано 208 раз Последнее изменение Пятница, 01 июня 2018 11:42