Уроки по Joomla 3 можно найти здесь: http://joomla3x.ru/
Понедельник, 18 июня 2018 12:24

«Удьуор утума» эр дьон түһүлгэтэ

Автор 

 “Үөрэхтээһин эр дьоно” бырайыак сыл устата, бэйэтэ туспа суоллаах-иистээх, ураты кэпсээннээх-ипсээннээх араас үлэни көҕүлээн ыытта. Сылы түмүктүүр, сүрүн тэрээһин “Удьуор утума” түһүлгэ, улууспут эр дьонун түмэ тарта. Тэрээһин - үөрэх эйгэтин эр дьоно уол оҕону иитэр эйгэлэрин тэрийии, удьуор утумун тарҕатыы, эр дьон общественнай олоххо көхтөөх кыттыыларын ситиһии, уол оҕону иитиигэ саҥа

IMG 9943
Улууспут баһылыга А.Т. Ноговицын общественнай хамсааһыннар үлэлэрэ күүстээхтик, киэҥ далааһыннаахтык баран эрэрин бэлиэтээтэ. Үөрэх управлениятын начальнига Т.В. Павлова 90-сс сылларга эр дьон учуутал олус элбэҕин, билигин бу үгэһи сөргүтүү туһунан санаатын эттэ.
 “Саха сатабыла” түһүлгэҕэ эр дьон тоҕуоруһа мустан араас дьарыкка уһуйулуннулар. Ол курдук, быһах охсуу, лобзигынан оһуор быһан таһаарыы, эттэн араас аһы буһарыы, туойтан оҥоҥук. Сэдэх дьарыктаах А.А. Захаров-саха оҕунан ытыыны көрдөрөн, Иванов С.С. былыргы манньыаттар коллециятын аҕалан сэргээн дьон сэҥээриитин тартылар.

IMG 0455
 Күүс-уох өттүнэн күрэскэ эр киһи уолунан (быраатынан, сиэнинэн) хамаанда тэринэн кыахтарын холоннулар. Бырата 5 хамаанда канат тардыһыытыгар, тааһы быраҕыыга, сүүрүүгэ, үс төгүл үс ыстаҥаҕа, тутум эргииргэ күрэхтэстилэр. Түмүккэ, Алаҕар хамаандата Денис Третьяков бастаата, иккис- Андрей Пугачев, Дирин-агро орто оскуолата, үһүс миэстэ – С.А. Новгородов аатынан Чурапчы орто оскуолата Василий Степанов уолунан.
Кэлбит эр дьон ирэ-хоро кэпсэтэн, Чурапчыбыт чараҥын быыһыгар олорон сылаанньыйан, сынньанан, санаа атастаһан, астынан тарҕастылар.

Прочитано 211 раз