Уроки по Joomla 3 можно найти здесь: http://joomla3x.ru/
Вторник, 04 сентября 2018 12:19

«Үөрэх сырдык суолунан” кинигэ сүрэхтэниитэ

Автор 

  Балаҕай ыйын 1 күнүгэр , билии күнүн баттаһа улууспутугар биир саамай улахан кыһабыт С.А. Новгородов аатын сүгэр Чурапчы орто оскуолатын 140 сааһыгар анаан тахсыбыт “Үөрэх сырдык суолунан” кинигэ сүрэхтэниитэ буолан ааста. Кинигэ сүрүн үбүлээһинин Чурапчы улууһун муниципальнай тэриллиитэ, улуус баһылыгар кандидат А.Т. Ноговицын оҥордо.

20180904 153108
Кинигэ 500 тираhынан, 420 сирэйдээх, “Кɵмүɵл” кинигэ кыhатыгар бэчээттэннэ. Хас страница аайы Шмутц титуллаах – Чурапчы орто оскуолата: бэҕэhэ, бүгүн, сарсын, кинигэ аата, “140 сыл” диэн сурук. Халыҥ тастаах, офсетнай кумааҕыга бэчээттэннэ. Инники кэнники форзацтарга – фотохроника. Формат киэбэ-кээмэйэ 60-90. Общественнай - маассабай таhаарыы. Библиографическай ирдэбил толору киирдэ. Редакция салайааччыта, Чурапчы орто оскуолатыгар саха тылын уонна литературатын учууталынан ситиһиилээхтик үлэлээбит Борис Иванович Павлов. Кинигэ 10 сүрүн балаhалаах, нуучча, саха тылынан сурулунна. Кинигэ араас кэмҥэ үлэлээбит оскуола салайааччыларын, учууталларын, техүлэhиттэрин, үɵрэнээччилэрин ситиhиилэрин сырдатар. Yлэ ис хоhоонугар Кирилл Кириллович Пермяков «125 лет Чурапчинской средней школе имени С.А. Новгородова» кинигэтэ тирэх буолла. Улуус архыыбын, улуустааҕы кыраайы үɵрэтэр, Чɵркɵɵхтɵɵҕү политссылка музейын, үɵрэх салалтатын, оскуола музейдарын хомуйбут матырыйааллара уонна хаартыскалара киирдилэр. Уопсайа 1725 хаартыска киирдэ. Инники форзацка 47 боростуой хаартыскалар. Кэнники форзацка 68 ɵҥнɵɵх хаартыскалар. Кинигэ оскуола аhыллыаҕыттан 2012 сылга диэри үлэни сырдатта.

fd2c6eec fad5 480a bbf8 85ec3866954a


  Бу үтүөкэн кинигэни биир санаанан салайтаран, идея туһугар үлэлээн-хамнаан оҥорон таһаардылар: РФ уопсай үөрэхтээһинин Бочуоттаах үлэһитэ, Саха Республикатын үɵрэҕириитин үтүɵлээх үлэhитэ, “Учууталлар учууталлара, улуустааҕы үөрэх управлениятын начальнига, 2002-2013 сылга диэри Чурапчы орто оскуолатын директора Т.В.Павлова, РСФСР норуотун үөрэҕириитин туйгуна, “Учууталлар учууталлара”, оскуола музейын салайааччыта Матвеева Татьяна Кононовна, СР үтүөлээх учуутала, РФ норуотун үөрэҕириитин туйгуна, саха тылын учуутала Борисова Мария Афанасьевна, СР норуотун үөрэҕириитин туйгуна, “Учууталлар учууталлара”, нуучча тылын уонна төрүт культура учуутала Габышева Мария Дмитриевна, СР үөрэҕириитин туйгуна, омук тылын учуутала Филиппова Степанида Васильевна, СССР, РСФСР норуотун үөрэҕириитин туйгуна, үөрэх систематын бочуоттаах ветерана, “Учууталлар учууталлара” Гордеева Анна Егоровна, РФ норуотун үөрэҕириитин туйгуна, СР үөрэҕириитин туйгуна, “Учууталлар учууталлара”, саха тылын учуутала Сивцева Екатерина Владимировна. Компьютернай үлэни толордо- СР үɵрэҕириитин туйгуна, оскуола информационнай - библиотечнай киинин специалиhа Пермякова Елена Иннокентьевна. Кинигэни редакциялаатылар оскуола бастакы выпускниктара:
- РФ оскуолатын үтүɵлээх учуутала, өр сылларга оскуола завуһа, история учуутала Борисова Анна Александровна;
- Саха Республикатын үтүɵлээх учуутала, историческай наука кандидата, оскуола завуhа Ефимова Нюрбина Дмитриевна;
- РФ профессиональнай үɵрэхтээhинин бочуоттаах үлэhитэ, техническэй наука кандидата Ефимов Николай Иванович;
- Саха Республикатын социальнай сулууспатын туйгуна, оскуолабыт нуучча тылын учуутала Карпова Татьяна Петровна.
  Бары автордарга, үлэлээбит дьоммутугар СР үөрэҕин министерствотын, Чурапчы улууһа МТ, улуус үөрэҕин управлениятын махтал суруктара туттарылынна. Улууспут ветеран учууталлара бу күн үөрэ-көтө көрсөн, ирэ-хоро кэпсэтэн тэрээһини астынан тарҕастылар. А.Т. Ноговицын ыҥырыллан кэлбит ветеран учууталларбытыгар махтал сурук, сахалыы чааскы, сибэкки дьөрбөтүн бэлэх уунна.

IMG 9528
Кинигэ оҥоруутугар бары өттүнэн көмөлөспүт дьоммутугар, методическай холбоһук салайааччыларыгар, оскуолабыт үɵрэнээччилэригэр, выпускниктарбытыгар, ахтыы биэрбит, матырыйаалы сааһылаабыт, бэчээккэ бэлэмнээбит бары үлэһиттэргэ махтанабыт. “Үөрэх сырдык суолунан” саҥа кинигэ бар дьоммутугар күндү бэлэх буоллун!

821966b1 ce45 486d 89a2 7da3c8b2bdb1

Прочитано 58 раз Последнее изменение Вторник, 04 сентября 2018 15:49