Уроки по Joomla 3 можно найти здесь: http://joomla3x.ru/
Четверг, 06 декабря 2018 17:32

2018 сыл Оҕо уонна ыччат дьоҕурун сайыннарыы сыла “Дьоҕур уонна сатабыл чемпионата”

Автор 

Сиртэн-буортан сомоҕо көмүстэр, күндү таастар өрө көбөллөрүн курдук, талааннар норуоттан үөскүүллэр. Талаан үрдүккэ-үтүөҕэ ыҥырар, норуокка туһалыыр үрдүк аналлаах. Улууспут Аҕа баһылыга Андрей Тимофеевич Ноговицын 2018 сылы оҕо уонна ыччат дьоҕурун сайыннарыы сылынан биллэрбитэ . Бу сыл чэрчитинэн хас биирдии оскуолаҕа, уһуйааҥҥа “Ай-мастер”, “Үлэ-мастер”, “Спорт-мастер” , “Билии-мастер”, “Лидер-мастер” хайысхаларынан араас таһымнаах үлэ ыытылына, анал эйгэ тэрилиннэ. Уһуйаан саастаах оҕолорго «Радуга добра» театрализованнай конкурс олохтонно. Техническэй өттүгэр, Г.П. Башарин аатынан Сылан орто оскуолатыгар нейроквантум аһылларын күүтэбит.Мугудай нэһилиэгин “Чуораанчык” уһуйааныгар экоквантум аһыллара былааҥҥа киирдэ, Чурапчы сэлиэнньэтин “Чуораанчык” уһуйааныгар «Техномир» техническай хайысхаҕа кабинет арылынна. Оҕо сайыҥҥы сынньалаҥын тэрийии өттүгэр саҥа киирилэр бааллар. Ол курдук, «Кустук» лааҕырга капитальнай ремонт барда. Бу сайын лааҕыр оҕону бары өттүнэн сайыннарыыга айымньылаахтык үлэлээтэ: 1 смена –спортивнай хайысха, 2 смена- айар дьоҕур (Сахабыт сирин артыыстара кыттыылаах), 3 смена- эколого-биологическай хайысха (Үрдүк үөрэх кыһаларын учуонайдара кыттыылаах), 4 смена-интеллектуальнай хайысха. И.Е. Федосеев- Доосо аатынан Дирин агро орто оскуолатын «Маарыкчаан» лааҕырын Бырыы базата саҥардылынна. «Уус кыһата» саҥа лааҕыр Мырылаҕа арыллан 15 уолу хабан үлэлээтэ. Саха быһаҕын оҥорууга уһуйулуннулар. Норуот маастара Петр Петрович Соловьев уонна Василий Степанович Попов уолаттарга сатабылларын иҥэрдилэр. Чурапчы гимназията «Горизонт» научнай -чинчийэр хайысхалаах лааҕыры арыйан Мындаҕаайыга үлэтин саҕалаата.Төлөй орто оскуолатыгар IT Илларионов оскуолатын филиала аһыллан, компьютернай графиканы баһылыыргы үлэ саҕаланна. Эр киьи учуутал, аҕа статуһун көтөҕөр, уол оҕону иитии боппуруоһун таарыйар тэрээһиннэр ыытылыннылар: “Удьуор утума” түһүлгэ, «Chur ЭКСПО-2018», «Саха сатабыла» аһаҕас быыстапкалар ыытыллан сылын аайы ыытыллар тэрээһиннэргэ кубулуйдулар.Уһуйааннартан саҕалаан сатабыл кииннэрэ тэриллэн эрэллэр.
Ахсынньы ый 4 күнүгэр Чурапчыбыт нэһилиэгэр сыл биир саамай улахан тэрээһинэ “Чемпионат талантов и способностей” буолан ааста. Бу тэрээһин сүүмэрдиир этабыгар хас нэһилиэк аайы кэрийэн уһуйаан,оскуола саастаах дьоҕурдаах оҕолору көрүү –истии буолбута үөрэх управлениятыттан, улуустааҕы культура управлениятыттан, “Үөрүү” оҕо сайдар кииниттэн анал комиссия тахсан үлэлэстилэр. Чемпионат сыала- көстө-биллэ илик саҥа ааттары кытары билсии, талааннаах оҕолору булан дьоҥҥо-сэргэҕэ билиһиннэрии, кинилэри кытары салгыы үлэлэһии. Манна барыта 2000 кэриҥэ оҕо кыттыны ылла, кыайыылаахтарга путевка туттарылынна. Түмүккэ, “Ай-мастер”- 447оҕо, “Үлэ-мастер”-74оҕо, “Спорт-мастер”-54 оҕо финалга таҕыстылар. Бу күн улахан концерт, киэҥ-куоҥ выставка, спортивнай шоу ыытылынна. Оҕолор бары дьон –сэргэ иннигэр, улуус баһылыга А.Т. Ноговицын анаабыт кыайыылаах мэдээлин, статуэткатын туттан үөрдүлэр.

Прочитано 193 раз Последнее изменение Четверг, 06 декабря 2018 17:43