Уроки по Joomla 3 можно найти здесь: http://joomla3x.ru/
Пятница, 07 декабря 2018 12:21

"Билии-мастер" күрэх түмүктэрэ

Автор 

2018 сыл Улууспут аҕа баһылыгын Андрей Тимофеевич Ноговицын 400 нүөмэрдээх дьаһалыгар олоҕуран «Оҕо уонна ыччат дьоҕурун сайыннарыы» сылынан биллэриллибитэ. Сыл сүрүн сыала-соруга –бүттүүн түмсэн эдэр талааннары, дьоҕурдаах оҕолору булан, болҕомто ууран салгыы сайыннарыыга үлэлээһин буолар.

           Улууска барыта 5 хайысханан үлэ ыытылынна « Ай- мастер», « Билии -мастер», «Лидер- мастер», «Спорт- мастер», «Үлэ- мастер». Сыл устата ыытыллыбыт үлэлэр түмүктэринэн дьоҕурдаах оҕолор базалара оҥоһулла сылдьар.

         «Билии- мастер» улуустааҕы конкурска оскуолалар бастыҥ үөрэнээччилэрин үөрэххэ, научнай-чинчийэр үлэҕэ, олимпиадаҕа ситиһиилэрин түмугүнэн сүүмэрдиир түһүмэҕи ааһан 5 бастыҥ үөрэнээччи талыллан ахсынньы 6 күнүгэр И.Г. Тимофеев-Теплоухов аатынан «Олонхо дьиэтигэр» түмүктүүр түһүмэххэ күөн көрүстүлэр:

  • Габышева Айза, Иван Егорович Федосеев-Доосо аатынан Дирин орто оскуолатын 9 кыл туйгун үөрэнээччитэ, өрөспүүбүлүкэтээҕи саха литературатын олимпиадатын 2 миэстэлээх призера, улуустааҕы биология, экология, саха тылын уонна литературатын олимпиадаларын призера, Юнеско фестивалын английскай тылга 2 миэстэлээх призера.
  • Захаров Иван, Семен Андреевич Новгородов аатынан Чурапчы орто оскуолатын 10 а кылааһын бастыҥ үөрэнээччитэ, ОБЖ олимпиадын призера, кыайыылааҕа, юношескай олимпиада призера, «Инникигэ хардыы» научнай практическай конференция , «Уолан аа5ыылара» республикатааҕы ааҕыылар призердара.
  • Илларионов Марк, Дмитрий Данилович Красильников аатынан Мугудай орто оскуолатын 10 кылааһын бастыҥ үөрэнээччитэ, улустааҕы история, обществознание, право олимпиадаларын кыайыылааҕа, призера, «Инникигэ хардыы» научнай –практическай конференция дипломана, улуустааҕы «Будущий дипломат» конкурс 2 миэстэлээх призера.
  • Дьяконова Алина, Василий Семенович Яковлев –Далан аатынан Кытаанах орто оскуолатын 10 кылааһын туйгун үөрэнээччитэ, саха тылын олимпиадатын 3 сыл субуруччу муҥутуур кыайыылааҕа, Республиканскай ойуулуур-дьуьуннуур выставкалар кыайыылаахтара.
  • Пермяков Ньургун, Степан Кузьмич Макаров аатынан Чурапчы гимназиятын 9 кылааһын бастыҥ үөрэнээччитэ, математика, история, экология олимпиадаларын призера, «Инникигэ хардыы» научнай –практическай конференция дипломана, улуустааҕы, регионнааҕы, республикатааҕы «Будущий дипломат» конкурс кыайыылааҕа, призера.

Күрэх кыттааччыларын Чурапчы улууһа-оройуона муниципальнай тэриллии баһылыгын социальнай боппуруостарга уонна миэстэтигэр бэйэни салайыныыга солбуйааччыта Николай Иннокентьевич Аммосов, улуустааҕы үөрэх управлениетын начальнигын солбуйааччы Чичигинаров Илья Ильич эҕэрдэлээтилэр.

«Билии- мастер» улуустаа5ы конкурс дьүүллүүр сүбэтигэр үлэлээтилэр:

1. Аммосов Николай Иннокентьевич, Чурапчы улууһа оройуона муниципальнай тэриллии баһылыгын социальнай боппуруостарга уонна миэстэтигэр бэйэни салайыныыга солбуйааччыта

2. Монастырева Галина Семеновна, улуустааҕы үөрэх управлениетын методическай отделын начальнига

3. Ефремова Ольга Диевна, Иван Михайлович Павлов аатынан Чурапчы орто оскуолатын директоры  уөрэх чааһыгар солбуйааччыта

4. Филиппов Алексей Николаевич, улуустааҕы үөрэх управлениетын уерэҕи тэрийэр  отделын   специалиһа.

5. Кожурова Галина Петровна, «Үеруу» оҕо дьоҕурун сайыннарар киин специалиһа

6. Понамарев Иван Терентьевич, Ыччат политикатын салайыыга Чурапчы улууһун администрациятын сүрүннүүр специалиһа

Конкурс сорудахтара айымньылаах сыһыаны эрэйэр, кыттааччылар үөрэх дисциплиналарын билиилэрэ, төрүүбүт дойдуларын инники сайдыытын анаарыылара, киэҥ кругозордара, булугас сытыы өйдөрө, бэйэлэрин санааларын сатаан сааһылаан саҥарар буолуулара ирдэнэр кына оҥоһулуннулар. Конкурсаннар түөрт туһүмэҕинэн күрэхтэстилэр:

  1. Бастакы түһүмэххэ табаарыстарын-өйүүр бөлөхтөрүн көмөтүнэн конкурсаннары билиһиннэрии, талааннарын арыйыы буолла.
  2. Интеллектуальнай түһүмэххэ араас предметнай хайысхаларынан 25 боппуруостаах билиилэрин тургутар тест толордулар.
  3. «Мин улууһум инники сайдыыта» бырайыак көмүскээтилэр
  4. Брифинг. Анал проблемаҕа санаа атастаһыыта. Бу түһүмэҕи салайан ыытта Дмитрий Петрович Коркин аатынан Чурапчытааҕы өрөспүүбүлүканскай спортивнай оскуола-интернат туйгун категориялаах учуутала, «Сурэхпин оҕолорго аныыбын» улуустааҕы кылаас салайааччыларын конкурсун кыайыылааҕа Владимир Николаевич Прокопьев. Оҕолор бары дириҥ ис хоһоонноох эппиэттэри биэрэннэр, олус үчүгэй кэпсэтии таҕыста.  

IMG 20181207 WA0027

Конкурс түмүгүнэн бары түһүмэхтэргэ бэйэтин чаҕылхайдык көрдөрөн, кыайыылааҕынан   Пермяков Ньургун, Степан Кузьмич Макаров аатынан Чурапчы гимназиятын 9 кылааһын бастыҥ үөрэнээччитэ таҕыста.  Финалга кыттыбыт о5олорго барыларыгар «Оҕо уонна ыччат дьоҕурун сайыннарыы” сылынан өйдөбүннүк мэтээл туттарылынна.

Конкурс бары кыттыылаахтарыгар, билигин Эһиэхэ үүнэр-сайдар, үөрэнэр кыах толору, ону таба туһаныҥ. Хас биирдиигит бүччүм былааннары, инники сыаллары-соруктары туруорунан олоххо сыалгытын ситиһиҥ. Төрөөбүт Чурапчыбыт улууһугар, Сахабыт сиригэр туһалаах дьон буоларгытыгар баҕарабыт диэн ба5а санаабытын этэбит!

Прочитано 166 раз Последнее изменение Пятница, 07 декабря 2018 16:49