Уроки по Joomla 3 можно найти здесь: http://joomla3x.ru/
Среда, 20 февраля 2019 17:22

Үөрэнээччилэр бүтүн Россиятааҕы олимпиадаларын республиканскай түһүмэҕэ

Автор 

Үөрэнээччилэр бүтүн Россиятааҕы олимпиадалара - дьоҕурдаах оҕолорго ыытыллар тэрээһиннэриттэн биир сүрүннэрэ буолар. Олимпиадаларга кыттар оҕолор саҥа биллиини ылалларын таһынан, тулуурдаах уонна кыайыыга дьулуурдаах буоларга үөрэнэллэр. Маны сэргэ, ситиһиилээхтик кыттыбыт оҕолор үрдүк үөрэх кыһатыгар туттарсан киирэллэригэр кэккэ чэпчэтиилэри туһаналлар.

Олунньу 15-16 күннэригэр, Чурапчытааҕы физическай культура, спорт институтугар (салайааччы Готовцев И.И.) уонна Д.П.Коркин аатынан Чурапчытааҕы республика олимпийскай эрэллэрин бэлэмниир спорт оскуолатыгар (салайааччы Гуляев Н.Н.) «Физкультура» предметигэр бүтүн Россиятааҕы үөрэнээччилэр олимпиадаларын республикатааҕы түһүмэҕэ буолан ааста.

Дьокуускай куораттан уонна 19 улуустан барыта 120 үөрэнээччи кыттыыны ылла. Олимпиада кыттыылаахтара барыта үс түһүмэҕи аастылар: өйү тургутуу (тестирование), гимнастика уонна 2000 м. сүүрүү. Уопсай түмүккэ, улууспут оҕолоруттан С.А.Новгородов аатынан Чурапчы орто оскуолатын 11 кылааһын үөрэнээччитэ Лукин Эрхан (учуутал Степанов В.В.) уонна Д.П.Коркин аатынан Чурапчытааҕы республика олимпийскай эрэллэрин бэлэмниир спорт оскуола 7 кылааһын үөрэнээччитэ Петрова Гюнай (учуутал Колодезников С.М.) кыайыылаахтарынан ааттаннылар. Оттон С.А.Новгородов аатынан Чурапчы орто оскуолатын 11 кылааһын үөрэнээччитэ Красильникова Милена (учуутал Собакин П.Д.), С.К.Макаров аатынан Чурапчы гимназиятын 10 кылааһын үөрэнээччилэрэ Анемподистова Светлана уонна Ноговицына Карина (учуутал Романов Н.Н.),   С.А.Новгородов аатынан Чурапчы орто оскуолатын 10 кылааһын үөрэнээччитэ Окноешникова Влада (учуутал Собакин П.Д.), Г.П.Башарин аатынан Сылан орто оскуолатын 11 кылааһын үөрэнээччитэ Игнатьев Владимир (учуутал Яковлев Е.И.), Г.Д.Протодьяконов аатынан Алаҕар орто оскуолатын 11 кылааһын үөрэнээччитэ Елисеев Айсен (учуутал Федоров М.Е.) ситииһиилээхтик кыттан бириистээх миэстэлэргэ тигистилэр.

Прочитано 129 раз Последнее изменение Среда, 20 февраля 2019 17:32