Уроки по Joomla 3 можно найти здесь: http://joomla3x.ru/
Четверг, 25 марта 2021 17:00

Баһаатай үлэтэ оҕолору түмэр

Автор

Биһиги улууспутугар «Дьулуур» оҕо биир сомоҕо хамсааһына уонна «Саха сирин кэнчээри ыччата» өрөспүүбүлүкэтээҕи тирэх киин көҕүлээһиннэринэн «Дворовый вожатый» бырагыраама чэрчитинэн «Академия лидеров» смена буолан ааста. Смена сыалынан-соругугунан сайыҥҥы кэмҥэ оҕо сынньалаҥын тэрийиигэ баһаатай көмөлөһөөччүлэрин үөрэтии, иитии буолла.

Смена үлэтигэр С.А. Новгородов аатынан Чурапчы, И. М. Павлов аатынан Чурапчы, Г. П. Башарин аатынан Сылаҥ, И.Е.Федосеев-Доосо аатынан Дирин «АГРО», В.С.Соловьев-Болот Боотур аатынан Хатылы орто оскуолаларын үөрэнээччилэрэ уонна педагог-организатордара кыттыыны ыллылар. Барыта 50 оҕо баһаатай буоларга куйаар ситимин нөҥүө үөрэннэ.

WhatsApp Image 2021 03 20 at 12.59.205 күн устата араас хабааннаах, интириэһинэй тэрээһиннэр ыытылыннылар. Баһаатай үлэтин туһунан лекциялары «Дьулуур» оҕо биир сомоҕо хамсааһынтан бэрэссэдээтэл Геннадий Охлопков, исписэлиис Екатерина Чинякина, Д.П.Коркин аатынан Чурапчытааҕы республикатааҕы оскуола-интэринээт педагог-организатора Сахая Лаврова, «Саха сирин кэнчээри ыччата» өрөспүүбүлүкэтээҕи тирэх киин методиһа Александр Васильев ыыттылар. Үтүөнү оҥоруу, волонтер үлэтин туһунан улуус ыччат бэлиитикэтин отделын исписэлииһэ Анастасия Спиридонова, Россиятааҕы «Волонтеры Победы» хамсааһын Чурапчытааҕы штабын салайааччыта Айтал Керемясов билиһиннэрдилэр. Ону таһынан оҕолору кытта «Үрдэл» саха ырыатын бириэмийэтин номинана Саргылана Степанова -Уоттаах, «Айылгы» норуот айымньытын дьиэтин исписэлииһэ, вайнер Ярослав Лебедев-Кубалыырап, Чурапчытааҕы физическэй култуура уонна успуорт үнүстүүтүн устудьуона Николай Таллаев көрүстүлэр. Дириҥтэн эбии үөрэхтээһин педагога Марианна Макарова бэйэтин иитиллээччилэрин кытта «Музыкальнай чааска» гитаранан баһаатай ырыаларын толордулар.

Баһаатайдар Ира Рожина уонна Саяна Флегонтова киэһээҥҥи үлэни көҕүлээн араас оонньуулары, викториналары, гитаранан ырыа, үҥкүү киэһээтин тэрийдилэр. Түмүккэ оҕолор баһаатай үлэтигэр элбэҕи билэн, көмөнү ылан, саҥа доҕоттордонон үөрүүлэрэ улахан.

WhatsApp Image 2021 03 19 at 13.36.52Тэрийээччилэр бары көхтөөхтүк кыттыбыттарга анал бэлиэлээх бэлэхтэрин, туоһу суруктарын туттардылар. «Чурапчы кэскилэ» оҕо хамсааһына акустическай систиэмэ, ноутбук уонна баннер бэлэх тутан үөрүүбүт муҥура суох.

Христина Протопопова, иитии уонна эбии үөрэхтээһинин отделын оҕо хамсааһыныгар исписэлииһэ.

Прочитано 83 раз Последнее изменение Четверг, 25 марта 2021 17:44