Олунньу 28 күнүгэр, С.А.Новгородов аатынан Чурапчы орто оскуолатыгар, историческай музей аһыллар үөрүүлээх күнэ буолла. Бу музейга өр сыл математика учууталынан үлэлээбит, ветеран-учуутал Анна Егоровна Гордеева аатын иҥэрии, сиэрэ-туома ыытылынна. Анна Егоровна чугас-дьоно, аймахтара; Макарова Мария Егоровна-улахан балта, Макаров Иннокентий Егорович-кыра быраата, Пономарева Татьяна Егоровна-кыра балта, Соловьева Татьяна Петровна-кыыһа, Коркина Федосия Егоровна-сиэн балта уонна Пономарев Иван Терентьевич-сиэн быраата, үөрэппит оҕолоро, оскуола 1974 сыллаах (21-выпуск) выпускниктара; ЗахаровАфанасий Афанасьевич, Дьячковскай Николай Семенович, Саввин Егор Иванович, Заболоцкай Реворий Михайлович күндү ыалдьыт буоллулар. Кэлбит ыалдьыттар бу музей иитэр-үөрэтэр суолтата улаханын бэлиэтээтилэр. Эҕэрдэ тыллары эттилэр. Уөрэппит оҕолоро учууталларыгар махталларын бэлиэтин, музей таһыгар өйдөбүнньүк суругу куоракка онотторон аҕалан ыйаатылар.

С.А.Новгородов аатынан Чурапчы орто оскуолатыгар, Аҕа дойду сэриитин I истиэпэн уордьан кавалера, РСФСР уонна Саха АССР Үтүөлээх учуутала, РСФСР норуотун үөрэҕириитин туйгуна, Чурапчы оройуонун бастакы Бочуоттаах олхтооҕо С.К.Макаров аатын үйэтитэр, X I-с төгүлүн историяҕа улуустааҕы уолаттар олимпиадалара ыытыллынна. Барыта 8 хамаанда кэлэн кытынна. Ол курдук: Р.И.Константинов аатынан Амма орто оскуолата, Одьулуун орто оскуолата, Төлөй орто оскуолата, В.С.Соловьев– Болот Боотур аатынан Хатылы орто оскуолата, А.И.Илларионов аатынан Хайахсыт орто оскуолата, Д.П.Коркин аатынан республика-интернат оскуолата, С.К.Макаров аатынан Чурапчытаагы гимназия уонна С.А.Новгородов аатынан Чурапчы орто оскуолата. Барыта 48 кыттааччы баар.

Тэрээһин үөрүүлээх аһыллыытыгар оскуола дириэктэрэ Н.В.Уарова оҕолорго анаан тыл эттэ :” Бу сыл дойдубут президенэ В.В.Путин биллэрбитинэн “Педагог уонна уһуйааччы сыла“ буолар, республикабытыгар “Үлэ сыла” , Чурапчы улууһугар “Ытыктабыл сыла” буолаллар.   Бугун биһиги ытыктыыр киһибит, биьиги оскуолага 45 сыл үтүө суобастаахтык , энкилэ суох улэлээбит А.Е.Гордеева аатын оскуола историческай музейыгар инэрдибит уонна 2010 сылтан история учууталларын бырайыагынан С.К.Макаров аатынан уолаттарга история олимпиадата бугун 11 тогулун ыытыллар. Сылын ахсын С.К. Макаров уонна Г.Д.Ефимов оҕолоро биһиги выпускниктарбытыгар стипендия туттараллар. Бу үтүө дьоннорбут ааттара үйэтитиллэн, көлүөнэттэн көлүөнэҕэ бэриллэн ааттана туруо диэн эрэнэбит. Бүгүҥҥү олимпиадаҕа кытта кэлбит оҕолор, инникитин даҕаны дойдугут, төрөөбүт түөлбэҕит историятын билэр, үөрэтэр дьон буолун диэн баҕарабын. Үтүө суобастаах үлэһит, патриот буола улаатын, дьоһун дьон буоларга дьулуһун». Надежда Васильевна С.К.Макаров аймахтарыгар куруутун сибээскэ баалларыгар, оҕолору өйөөн олимпиадаҕа кэлэн ыалдьыт буолбуттарыгар махтанан туран Степан Кузьмич кыыһыгар Татьяна Степановнаҕа, балтыгар Мария Кузьминичнаҕа Махтал суруктары, бэлэхтэри туттарда”.

            Аҕаларын, убайын туһунан истинник ахтан-санаан аастылар Степан Кузьмич кыыһа Татьяна Степановна уонна балта Мария Кузьминична. Кинилэр оҕолорго куруутун сырдыкка, кэрэҕэ тардыһарга, үлэһит буоларга, туруоруммут сыалларын ситиһэргэ баҕа санааларын эттилэр. Улуус үөрэҕин салалтатыттан И.Г.Винокурова билигин хаһааҥҥытааҕар даҕаны оҕону патриотическай тыыҥҥа иитиигэ   улахан болҕомто уурулларын эттэ. Оҕолорго историяны дьаныардаахтык үөрэтэллэригэр уонна олимпиадаҕа ситиһиини баҕарда.

Александр Афанасьевич Захаров оҕолорго анаан С.К. Макаров туhунан кэпсээтэ, кинини «Саха Маресьева» диэн мээнэҕэ ааттаабатахтарын тоһоҕолоон бэлиэтээтэ. Эйэлээх олоххо хайдахтаах дьулуһан, үлэҕэ бэриниилээхтик сылдьыбытын, оҕолор С.К.Макаров олоҕун үөрэтэн, киниттэн холобур ылыахтарыгар баҕа санаатын эттэ.

Үөрүүлээх арыллыы кэнниттэн олимпиада саҕаланна. Быйылгы дьыллаах олимпиада Чурапчыбын нэһилиэгэ 375 сылыгар анаммыт. Үөрэнээччилэр кабинеттарынан тарҕанан үлэлээтилэр. Ол кэмҥэ, ыалдьыттар 11 кылаас оҕолорун кытта кылаас чаастарга сырыттылар, оҕолорго элбэх сүбэлэри биэрдилэр, инники олохторугар туһалаах кэпсэтиилэр буоллулар.

Чурапчы нэһилиэгэ 375 сылыгар ананар олимпиада түмүгэ.