Уроки по Joomla 3 можно найти здесь: http://joomla3x.ru/
Четверг, 06 апреля 2023 09:27

Идэ иннинээҕи бэлэмнэнии үлэ инникилээх, кэскиллээх

Автор

Профессор Г.П.Башарин   аатынан   агрохайысхалаах   Сылаҥ орто оскуолатыгар  идэ иннинээҕи бэлэмнэнии үлэтэ тиһиктээхтик тэриллэр. Сүүрбэттэн тахса сыл анараа өттүгэр илии баттаммыт дуогабарынан  ситиммитин быспакка, ситиһиилээхтик үлэлиибит. Ол курдук сааскы сынньалаҥ кэмигэр, кулун тутар 25-  31 күннэригэр,32 оҕо Хотугулуу Илиҥҥи Федеральнай үнүбэрсиэт  мэдициинэ үнүстүтүүтүн   кэмпириэнсийэтигэр  кытыннылар  уонна  10 медико-биологическай кылаас үөрэнээччилэрэ Аччыгый мэдициинэ  академиятын«Сааскы оскуолатыгар”  химияны, биологияны дириҥэтэн үөрэттилэр.ММА салайааччыта Малогулова И.Ш., биология билимин хандьытаата,   оҕолор тэрээһиннээхтик кэлэн үөрэммиттэриттэн астыммытын биллэрдэ.

Салгыы  бу оҕолорбут,  муус устар 3-4 күннэригэр,  Дьокуускайдааҕы мэдициинэ кэллиэһигэр быраактыкаҕа дьарыктаннылар: бастакы  көмөҕө үөрэннилэр, эмчит тус гигиенэтин билистилэр.Араас мэдициинэ аппарааттарын көрдүлэр-иһиттилэр.Сыл аайы быраактыка дьарыгын  быраас-преподаватель  Филиппова Ф.С. олус кэрэхсэбиллээхтик ыытар. Бу дьарык “Младшая медицинская сестра по уходу за больными” куурус бырагыраамматынан  хаһыс да сылын тэриллэр. Кууруска  икки сыл үөрэнэн, ситии-хотуу аттестатын кытта тэҥҥэ, идэни баһылаабытын туһунан федеральнай таһымнаах  сибидиэтилистибэ ылаллар.Маннык сибидиэтилистибэни номнуо 12 оскуоланы бүтэрээччи ылбыта, быйылгы үөрэх сылын түмүгүнэн  17 оҕо ылыахтаах.

Оскуолабытыгар кулун тутартан быйылгы   АГРОНТРИ Арассыыйатааҕы куонкуруһугар  бэлэмнэнии үлэтэ саҕаламмыта. 20 үөрэнээччи  Агроробот, Агрокосмос, Агровет, Агробио, Агрометео компетенцияларга регистрацияны аастылар. Аны бу күннэргэ бастакы түһүмэх сорудахтарын толоруохтаахтар, иккис түһүмэххэ ааһар туһугар үлэлэһэллэр. Манна сыһыаран эттэххэ, Никитин Павел, 10 кылаас үөрэнээччитэ,  Агроробокка 2021сыллаахха Кыһыл көмүс, 2022 сыллаахха Боруонса мэтээли ылары ситиспитэ. Онтон Дьячковскай Вася 2022сыллааҕы күрэххэ  Агрокосмос  компетенциятыгар  Арассыыйа таһымыгар кыттыыны ылбыта.

Маны таһынан, идэ иннинээҕи  бэлэмнэнии үлэбит биир сүрүн хайысхатынан Бүтүн Арассыыйатааҕы “Молодые профессионалы” чөмпүйэнээтигэр  улуустааҕы таһымтан Арассыыйа түһүлгэтигэр тиийэ утумнаах үлэни тэрийэрбит  буолар. Ааспыт үөрэх сылыгар, өрөспүүбүлүкэҕэ Кыһыл көмүс мэтээли ылан,  Ноговицын Саарын, 9 кылаас,   “Ветеринария” компетенциятыгар Великий Новгород куоракка Арассыыйа   чөмпүйэнээтигэр ситиһиилээхтик кыттыбыта. Быйыл да ситиһии баар, ол курдук Сивцев Антон, 8 кылаас, «Лабораторный медицинский анализ» компетенцияҕа  Кыһыл көмүс  мэтээли, (салайааччылар Макарова М.Н., Никитина Л.Н.) Макарова Валерия “Эстетическая косметологияҕа”  Үрүҥ көмүс мэтээли, (салайааччы Макарова Е.Г). ылары ситистилэр.

Онон идэ иннинээҕи үлэни (допрофессиональная подготовка) былааннаахтык, утумнаахтык тэрийдэххэ  үөрэнээччилэр инники олохторугар олус туһалаах идэ сатабылларын иҥэринэллэр, араас таһымнаах күрэхтэргэ кыттан  сайдаллар диэн педколлектив өйдүүр, сыаллаахтык үлэлиир.

Сивцева Л.С., дириэктэри агро хайысхаҕа солбуйааччы.       5.04.2023 сыл

 

Прочитано 184 раз Последнее изменение Понедельник, 24 апреля 2023 17:14
Решаем вместе
Есть предложения по организации учебного процесса или знаете, как сделать школу лучше?