Сыллата 9-с кылааһы бүтэрээччилэр сүрүн үөрэхтээһини түмүктүүр тургутугу ааһаллар. Сүрүн судаарыстыбаннай эксээмэни (ОГЭ) туттарыы 2014 сылтан саҕаламмыта. Хамсык кэмигэр, 2020 с. эрэ тохтуу сылдьыбыта. Быйылгы судаарыстыбаннай түмүктүүр аттестация хамсык иннинээҕи ирдэбилинэн барар. Ол курдук, 9 кылааһы бүтэрээччилэр 4 эксээмэни туттараллар. Булгуччулаах нуучча тылын, математиканы тэҥэ, бу биридимиэттэртэн иккини талаллар: омук тыла, обществознание, история, физика, биология, химия, саха тыла, информатика, география, литература. Доруобуйаларынан хааччахтаах оҕолор ГВЭ көрүҥүнэн булгуччулаах нуучча тылын уонна математиканы эрэ туттараллар.

Быйыл улуус үрдүнэн сүрүн уопсай үөрэхтээһини 320 оҕо түмүктүөҕэ. Бу 7 оскуолаҕа эксээмэн туттарар сирдэр (пууннар) үлэлиэхтэрэ:

• С.К. Макаров аатынан Чурапчы гимназията;
• Төлөй орто оскуолата;
• С. А. Новгородов аатынан Чурапчы орто оскуолата;
• Профессор Г.П. Башарин аатынан Сылаҥ орто оскуолата;
• И. М. Павлов аатынан Чурапчы орто оскуолата;
• П. М. Васильев аатынан Соловьев орто оскуолата;
• И. Е. Федосеев-Доосо аатынан Дириҥ орто агрооскуолата;

Бу пууннарга киириигэ эксээмэн эҥкилэ суох ыытыллан, тэҥ уонна кырдьыктаах усулуобуйаны ситиһэргэ туттарааччылар уонна анал үлэһиттэр металлоискатель көмөтүнэн бэрэбиэркэни ааһыахтара.

Эксээмэн туттарааччы оҕо тугу илдьэ кэлиэхтээҕий? Бастатан туран бэйэтин личноһын туоһулуур докумуону – пааспарын, хас биирдии биридимиэтэ ыйыллыбыт биллэриини (уведомлениены) уонна хас да хара гелевай уруучуканы.

Эксээмэҥҥэ хойутуур көҥүллэммэт, хойутуур түгэҥҥэ туттарар кэм уһаабат уонна инструктаж иккистээн ааҕыллыбат. Эксээмэн бэрээдэгин кэһии түбэлтэтигэр үлэ дьиҥэ суоҕунан ааҕыллар, тургутугу ааспатаҕа бэлиэтэниллэр. Аудитория иһигэр хаамыы, күлүү-салыы, миэстэттэн көһүү, ылсыы-бэрсии, мэһэйдэһии букатын көҥүллэммэт.

Быйылгы судаарыстыбаннай эксээмэн уратытынан буолар – информатика эксээмэнин барытын компьютерга толоруу.

        Эксээмэн аттарыыта:

Ыам ыйын 24 күнэ – история, физика, биология;

Ыам ыйын 26 күнэ – саха тыла;

Ыам ыйын 30 күнэ –информатика, география, химия;

Бэс ыйын 2 күнэ – омук тыла;

Бэс ыйын 6 күнэ – нуучча тыла;

Бэс ыйын 9 күнэ – математика;

Бэс ыйын 14 күнэ – нуучча литературата, физика, информатика, география.

Бэс ыйын 17 күнэ – обществознание, биология, химия;

Эксээмэннэр алын кээмэйдэрэ:

• Нуучча тыла – 15 балл;
• Математика – 8 балл (геометрия хайысхатыгар 2 баалтан кыра буолуо суохтаах);
• Физика – 11 балл;
• Химия – 10 балл;
• Биология – 13 балл;
• География – 12 балл;
• Обществознание – 14 балл;
• История – 11 балл;
• Нуучча литературата – 16 балл;
• Омук тыла – 29 балл;
• Информатика – 5 балл;

Эксээмэннэр ыытыллар бириэмэлэрин уһуна:

• Нуучча тыла – 3 чаас 55 мүнүүтэ (235 мүнүүтэ);
• Математика – 3 чаас 55 мүнүүтэ (235 мүнүүтэ);
• Физика – 3 чаас (180 мүнүүтэ);
• Химия – 3 чаас (180 мүнүүтэ);
• Биология – 2 чаас 30 мүнүүтэ (150 мүнүүтэ);
• География – 2 чаас 30 мүнүүтэ (150 мүнүүтэ);
• Обществознание – 3 чаас (180 мүнүүтэ);
• История – 3 чаас (180 мүнүүтэ);
• Нуучча литературата – 3 чаас 55 мүнүүтэ (235 мүнүүтэ);
• Омук тыла – 2 чаас (120 мүнүүтэ) + “саҥарыы” хайысхата – 15 мүнүүтэ;
• Информатика – 2 чаас 30 мүнүүтэ (150 мүнүүтэ);

Үөрэнээччилэр 9-с кылааһы бүтэрии аттестатын ситиһиилээхтик эксээмэннэри туттаран ылалларыгар, олохторугар биир кирбиини ылан салҕыы сайдалларыгар баҕарабыт. Бу эппиэттээх, улахан суолталаах тэрээһин таһаарыылаахтык ыытыллан, улууспут үөрэҕин хаачыстыбатын көрдөрүүтэ тупсарыгар баҕарабын.

Потапова Саина Михайловна, улууска сүрүн түмүктүүр эксээмэннэри ыытыы эппиэттээҕэ.