Аан дойдуга дьиэ кэргэн уонна музей күнүн чэрчитинэн улууспут оҕолоро Таатта улууһун Чөркөөхтөөҕү музейыгар сырыттылар. Тэрээһин «Чурапчы улууһа (оройуона)" МТ саастарын ситэ туола илик оҕолор дьыалаларын көрөр уонна кинилэр быраааптарын көмүскүүр хамыһыыйа көҕүлээһининэн ыытылынна. Оҕолор олус астыннылар, элбэх саҥаны көрдүлэр, биллилэр.
Чичахов Артур, И.М. Павлов аатынан Чурапчы орто оскуолатын 10 кылааһын үөрэнээччитэ: "Мин саамай таҥара дьиэтин себүлээтим, үөһээ этээскэ тахсан колокол тыаһатан көрбуппуттэн астынным, урут бу музейга сылдьыбатаҕым», Макаров Миша, Улахан-күөл оскуолатын 2 кылааһын үөрэнээччитэ: «Мин музейы сөбүлээтим, былыргы дьиэлэри, маллары саллары интириэһиргээн көрдүм» диэн уолаттар санааларын үллэстэллэр.
Хамыыһыйа аатыттан эппиэттээх сэкэрэтээр Сардаана Сергеевна Верховцева улууспут дьаһалтатыгар, Чурапчытааҕы үөрэх салалтатыгар транспортынан хааччыйбыттарыгар, бу тэрээһини өйөөбүттэригэр улахан махталын тиэртэ.
