Уроки по Joomla 3 можно найти здесь: http://joomla3x.ru/
Пятница, 06 октября 2023 11:52

Педагогическай династиялар быыстапкалара

Автор

Учуутал күнүн бэлиэтиир үөрүүлээх тэрээһин чэрчитинэн үөрэхтээһин сайдыытыгар таһаарыылаах, айымньылаах үлэлэринэн бэйэлэрин кылааттарын киллэрсибит педагогическай династиялары эдэр көлүөнэ учууталларга, иитээччилэргэ сырдатар быыстапка буолан ааста. Быыстапка дьон киэҥ сэҥээриилэрин ылла. Барыта 18 династия кыттыыны ылла. Ытык- мааны, дьоһун дьоммут үлэтэ-хамнаа, баай уоппуттара сиһилии сырдатылынна.

WhatsApp Image 2023 10 09 at 11.05.45

Быыстапканы улуус баһылыга Степан Анатольевич Саргыдаев, үөрэх салалтатын начальнига Юрий Павлович Посельскай уонна Чурапчы улууһуттан бастакынан династия буолбут Игнатьевтар ааттарыттан Болтоҥо орто оскуолатын нуучча тылын уонна литэрэтиирэтин учуутала Мария Николаевна Рожина астылар. Степан Анатольевич: “Учуутал идэтэ үгүс сыралаах, сылаалаах, ол да буоллар үтүө түмүктээх. Оҕону-ыччаты иитиигэ үөрэтиигэ олохторун анаабыт, дьон-сэргэ билиниитин, ытыктабылын ылбыт дьоммутун үйэтитэр биһиги сорукпут буолар»,- диэн бэлиэтээн туран династияларын сырдаппыт педагогтарга махтал суруктары туттарда. Династиялары сырдатыы, педагогтар ааттарын уйэтитии манан тохтоон хаалбакка хас биирдии оскуолаларга, үөрэх тэрилтэлэригэр салҕанан ыытылла туруохтара.

WhatsApp Image 2023 10 10 at 10.34.56

Бу күнү көрсө НВК Саха «Эйгэ» биэриигэ Сиидэрэптэр педагогическай династия хас эмэ көлүөнэ учууталларын сырдаттылар. Кылааһы түмүүгэ уопуттаах кылаас салайааччылара бэйэлэрин уопуттарын уонна бастыҥ иитээччилэр оҕолорго аналлаах үлэлиир ньымаларын кэпсээтилэр.   Передачаны манна көрүн  https://clck.ru/35wmmA

Прочитано 372 раз Последнее изменение Среда, 11 октября 2023 12:07
Решаем вместе
Есть предложения по организации учебного процесса или знаете, как сделать школу лучше?