ИСТОРИЯ ОБРАЗОВАНИЯ В УЛУСЕ
СЕРИЯ "ЧУРАПЧЫ УЛУУҺУН УЧУУТАЛЛАРА"
 В.С. Дьяконов. Чэгиэн кэскил туһугар. Физкультура учууталлара, 2021 с.Кинигэҕэ Чурапчы улууһун оскуолаларыгар араас сылларга улэлээбит, улэлии сылдьар физкультура учууталларын туһунан сырдатыллар. Чурапчы спорт туонатыгар аар-саарга аатырарыгар олук уурбут аҕа саастаах көлүөнэ дьоҥҥо сүгүрүйүүнү, киэн туттууну, эдэрдэргэ үйэлээх үтүө өйдөбүлү хаалларар баҕа санааттан бу кинигэ оҥоһулунна.
|
 М.П. Оконешникова, С.Л. Эверстова. Сүрэхтэн саҕыллар махтал, 2021 с. Составление.
Кинигэ оскуола иннинээҕи саастаах оҕолор тэрилтэлэрин өр сылларга таһаарыылаахтык салайбыт Мария Ивановна Чичигинароваҕа ананар. Манна киирдилэр үөрэх салалтатыгар бииргэ алтыһан үлэлээбит коллегаларын истиҥ илдьиттэрэ, улуус уһуйааннарын сэбиэдиссэйдэрин, ветераннарын, үлэһиттэрин махталлара уонна алгыс тыллара. |
 Дьячковскай Н.И. Учуутал үрдүк аатын түһэн биэрбэтэхпит, 2022 с.
Автор, Саха АССР үтүөлээх учуутала, Чурапчы улууһун бочуоттаах гражданина Николай Иванович Дьячковскай бу кинигэтигэр кэпсэммит кэпсээннэр, сайаҕас санаалар уонна ахтыылар тус олоҕуттан, илэ көрбүтүттэн сурулуннулар.
Матырыйааллар Николай Иванович 80 саһыгар хомуллубуттара эрээри, быйыл эрэ барыта бииргэ түмүллэн, кинигэ буолан таҕыстылар. Онон кинигэ тылын-өһүн, күнүн -дьылын, оччотооҕу балаһыанньаны өйдөөн-санаан ааҕаргытыгар көрдөһөбүт.
|
 Соловьева И.С. Соловьева Марфа Дмитриевна, 2022 г. Составление.
Норуот үөрэҕириитин туйгуна, Саха АССР оскуолаларын үтүөлээх учуутала, Чурапчы улууһуттан бастакы Бүтүн Союзтааҕы учууталлар съезтэрин делегата Соловьева Марфа Дмитриевна төрөөбүтэ 100 сылын үтүө өйдөбүлүгэр таҕыста. Кинигэҕэ учуутал олоҕун, педагог быһыытынан киэҥ билиилээх, үлэ бастыҥ опыттарын мунньуммут, талааннаах учуутал, сатабыллаах салайааччы, саҥаны, кэрэни көҕүлээччи, олоххо киллэрээччи туһунан ыстатыйалар, хаартыскалар, ахтыылар түмүллэн киирдилэр.
|
 Н.А. Захарова, А.Д. Винокурова.
Сорокоумова Софья Николаевна. Үтүмэн үлэ, үтүө майгы, чөл олох ырыата, 2022 с. Составление.
Кинигэ Чурапчы улууһун Кытаанах нэһилиэгин «Ньургуйаана» уһуйаанын өр сылларга таһаарыылаахтык салайбыт Сорокоумова Софья Николаевнаҕа ананар. Манна киирдилэр үөрэх эйгэтигэр бииргэ алтыһан үлэлээбит коллегаларын истиҥ илдьиттэрэ, улуус уһуйааннарын сэбиэдиссэйдэрин, ветераннарын, үлэһиттэрин, Кытаанах нэһилиэгин олохтоохторун махталлара уонна алгыс тыллара. |
 К.П. Старостин, Т.К. Далбаева. Старостин Петр Гаврильевич, 2023 с. Составление.
Кинигэҕэ 40 сыл география учууталынан үлэлээбит, көеө, судургу майгытынан, сылаас сыһыанынан, киэҥ билиитинэн үөрэнээччилэр куттарын туппут, бэйэтин олоҕунан, үлэтинэн, чиэһинэйинэн дьон-сэргэ ытыктабылын, махталын ылыан ылбыт П.Г. Старостин туһунан ааҕыаххыт.
|
|
|
||